OINARRIAK
EHUko Gipuzkoako Campusak eta Enpresen eta BIC GIPUZKOAk “MANUEL LABORDE” sarien 24. edizioa sustatzen dute, bien artean garatu eta kudeaturiko ENTREPRENARI Programaren helburua UPV/EHUko Gipuzkoako Campusean enpresa ekimenak eta enpresa berrien sorkuntza sustatzea, aholkatzea eta sostengatzea baita.
Sariaren erakunde laguntzaileak honako hauek dira: GIPUZKOAKO FORU ALDUNDIKO Ekonomia Sustapeneko eta Proiektu Estrategikoko Saila, EUSKO JAURLARITZAren Industria, Trantsizio Energetiko eta Jasangarritasun saileko Eraldaketa Digitalaren eta Ekintzailetzaren zuzendaritza eta SPRI
Sariek sustatu eta aintzatetsi nahi dituzten balioak ekimen ekintzailea eta berrikuntza dira, berrikuntza zientifiko-teknologikoari eta unibertsitate-ingurunean dagoen know-howtik abiatuta sor daitekeen ezagutzari arreta berezia emanez.
ENTREPRENARI Programaren filosofiari jarraituz, sormena eta berrikuntza zientifiko-teknologikoa eta ezagutza dakartzaten ekintzak dira bermatu nahi direnak, Euskal Herriko industri ehunaren modernizazioa bultzatuz, berrikuntzaren kultura hedatuz. Labur esanda, Unibertsitate ingurunetik abiatuta errealitatean isla daitezkeen asmo guztiei ateak zabaltzea, enpresa izan litezkeen “asmo” guztiei bideak irekitzea da sariaren helburua.
Honako proiektu hauek hartuko dira berritzailetzat:
- Oinarri zientifiko-teknologikoa duten enpresa berriak.
- Ezagutza espezifikoan oinarrituriko enpresak, berriak diren sektoreetara zuzenduak.
Helburuak
- Unibertsitatearen igurunean ekintzailetza arloko ideiak eta proiektuak sustatu.
- Unibertsitarioen potencial berritzailea bultzatu, enpresa-ekimen berriak sortuz eta garatuz.
- Ekimen berreen garapenean lagundu, baliabide ekonomikoak eta enpresak sortzeko eta kudeatzeko aholkularitza-serbitzu adituak jarriz.
Norentzat
Kategoria “Ekimen Berritzaile Berriak”
- UPV/EHUko irakasleak, ikertzaileak/IKERBASQUE.
- Euskal Herriko Unibertsitatean matrikulatutakoak edo haren titulu ofizial bat dutenak (lizentziatura, diplomatura, gradua, masterra edo tesia)
- UPV/EHUrekin elkarlanean egindako ikerketa baten emaitzak ustiatzea erabakitzen duten enpresak.
Gipuzkoako lurralde historikoan enpresa-proiektuak garatzeko eta abian jartzeko asmoz.
Kategoria "Gradu Amaierako Lanak - Master Amaierako Lanak - Doktorego tesiak”
- 2024-2025 ikasturtean Gradu Amaierako Lanak, Master Amaierako Lanak edo Doktorego Tesiak egiten ari diren edo 2022-2023 - 2023-2024 aldian aurkeztu dituzten ikasleak eta ikertzaileak, proiektuaren merkatu-aukerak aztertzeko eta, positiboa bada, gauzatzeko asmoa dutenak
Proiektuak indibidualak edo enpresarekin egindakoak izan daitezke, betiere enpresaren laguntza badute.
Sartzeko baldintzak
Ebaluazioaren xede den proiektua UPV/EHUren Gipuzkoako Campuseko Fakultate edo Eskoletako gradu edo masterreko ikasketen barruan edo, bestela, UPV/EHUk emandako Doktoregoko ikasketen barruan garatu izana.
Hautagaitzak aurkezteko epea 2024ko azaroaren 4a 23:00h arte.
Antolatzaileak / Organizado por
Sustatzaileak / Impulsado por
